दीन लाग्यो भने
कसको के लाग्छ
आफ्नाहरु परका बन्छन्
परकाहरु खुसिका खलनायक हुन्छन्
सर्वेसर्वा हुन आशिर्वाद दिन्छन्
भनेर आसा गरेकाहरु
पोकैपोका राखेर
नासो जसरी दुखले भरिएको
गरुङ्गो झोला पठाउ छन्
अनेकौं समस्याहरु
घरका सदस्य जस्तै बनेर
हर मौसम पिरका
वर्षाहरु वर्षाइ रहने
वर्षा जसरी पुग्छन्
अनि
खुसिका प्यालाहरु वर्षाले भरिने गर्छन्
माथी आकाशका जुनकीरी जस्ता
उज्याला टिपेर मध्यरातमा
उज्यालो गरौंन भन्दा
जुनकीरीहरु अध्यारा भै दिन्छन्
सुखका सान साना उगाला
बनाएर एक डोको सुख भर्न खोज्दा
सुखको चाक्लो डोको
खालिको खाली हुन्छ
अब फेरी
दीन लागेर
आगन सम्म आए भने
बिन्ती गर्नु छैन भगवान संग
थाहा दिनु हुदैन आफ्नाहरुलाई
किनकि
थाहा पाए छन् भने आफ्नाहरुले
सुखलाई परै रोकेर
आगन सम्म
समस्याहरु भरिएको
गरुङ्गो सन्दूक पठाइ दिन्छन्
जुनकीरीको उज्यालो फुकालेर
जुनकीरी पनि पठाउ छन्
सुखमा नभरिने
रित्तो प्याला पठाउ छन्
त्यसैले अब आउनु छ भने
आफ्नाहरु जस्तै सुटुक्क आउनु
उज्यालो फुकालिएको
जुनकीरी जसरी
हर मौसम वर्षी रहने
आँसु जस्तै
सुखमा रित्तो हुने चाक्लो डोको भएर
पुग्न नबिर्सनु
आगनमा जुनकीरीका
अध्यारा पुग्नेबेला।।
-दीर्घ बहादुर शाही (डोक्काघरे)
