काठमाडौं । केपी ओली कप टी–२० क्रिकेट प्रतियोगितामा आज शुक्रबार दुई खेल हुँदै छन् । पोखरा रगंशालाभित्र रहेको क्रिकेट मैदानमा बिहान ९ बजबाट सुरु हुने पहिलो खेलमा समूह ‘ए’का बागमती र कर्णाली प्रदेशबीच प्रतिस्पर्धा हुँदैछ ।
बागमती लगातार दोस्रो जितको खोजीमा मैदान उत्रनेछ भने कर्णाली पहिलो जितको खोजीमा हुनेछ । बागमतीले पहिलो खेलमा आयोजकको रातो टोलीलाई १०९ रनको फराकिलो अन्तरले हराएको थियो ।
आजै हुने दोस्रो खेलमा समूह ‘बी’ को एपीएफ र गण्डकी प्रदेशबीच प्रतिस्पर्धा हुँदैछ । सो खेल सोही मैदानमा दिउँसो १ बजेबाट सुरु हुनेछ । मदन भण्डारी स्पोर्टस् एकेडेमीको आयोजनामा जारी प्रतियोगितामा तिन विभागसहित ७ प्रदेश र आयोजकको दुई टोली गरी १२ टोली सहभागी छन् ।
सहभागी टोलीलाई चार समूहमा विभाजन गरिएको छ । हरेक समूहको शीर्ष स्थानमा रहेका टोलीले सेमिफाइनलमा स्थान बनाउनेछन् ।
