क्रिस्टियानो रोनाल्डाले १४ वर्षमा म्यानचेस्टर युनाइटेडका लागि पहिलो ह्याट्रिक गरेपछि टोटनह्याम हटस्पर्स ओल्ड ट्राफोर्डमा पराजित भएको छ । शनिबार राति भएको खेलमा युनाइटेड ३(२ गोलले विजयी भएको हो । रोनाल्डोले पछिल्लोपटक सन् २००८ को जनवरीमा युनाइटेडका लागि न्युक्यासलविरुद्ध ह्याट्रिक गरेका थिए ।
पोर्चुगिज खेलाडीले खेलको १२ औँ मिनेटमा नै उत्कृष्ट गोल गर्दै युनाइटेडलाई अग्रता दिलाएका थिए । तर, ३५ औँ मिनेटमा ह्यारी केनले पेनाल्टीमार्फत गोल गर्दै खेल बराबरी गरे । त्यसको तीन मिनेटपछि नै रोनाल्डोले जोडन सान्चोको पासमा गोल गर्दै युनाइटेड पुनः अग्रता दिलाए ।
दोस्रो हाफमा ह्यारी म्याग्वायरले आत्मघाती गोल गरेपछि स्पर्स फेरि खेलमा फर्कियो । ८१ औँ मिनेटमा फेरि एकपटक रोनाल्डोले गोल गदै युनाइटेडलाई महत्त्वपूर्ण ३ अंक दिलाए । योसँगै रोनाल्डोको करियरमा गोल संख्या ८०७ पुगेको छ । जीतपछि युनाइटेड २९ खेलबाट ५० अंक बटुल्दै लिगको चौथो स्थानमा उक्लिएको छ । स्पर्स ४५ अंकसहित सातौँ स्थानमा छ ।
