काठमाडौं । युईएफए च्याम्पियन्स लिगमा युभेन्ट्सले चेल्सीलाई १-० ले पराजित गरेको छ ।

घरेलु मैदानमा युभेन्ट्सलाई जिताउन फेडेरिको चिएसाले ४६औं मिनेटमा एक मात्र गोल गरे ।

समूह एचमा लगातार दोस्रो जित हात पारेको युभेन्ट्स ६ अंकसहित शीर्ष स्थानमा छ । पराजित चेल्सी तीन अंकसहित दोस्रो स्थानमा छ । अर्को खेलमा जेनित सेन्ट पिटर्सवर्गले माल्मोलाई ४-० ले पराजित गरेको छ ।

यस्तै समूह साल्जवर्गले लिललाई २-१ ले पारजित गरेको छ भने सेभिया र वल्फ्सवर्गले १-१ को बराबरी खेलेका छन् ।