उपाधि पक्का गरिसकेको इन्टर मिलानलाई हराउँदै साबिक विजेता युभेन्टस्ले इटालियन सिरिए फुटबलको शीर्ष चारमा छनोट हुने संभावना कायमै राखेकोे छ । युभेन्टस्ले ३–२ को जित हात पारेको हो ।
च्याम्पियन्स लिगमा छनोट हुने आशा कायम राख्न युभेन्टस्ले यो खेल जित्नैपर्ने थियो ।
८३ औं मिनेटमा जर्जियो चेल्लिीनीले आत्मघाती गोल गर्दा उसले अग्रता पनि गुमायो । तर, क्वाडराडोले ८८ औं मिनेटमा प्राप्त पेनाल्टीलाई गोलमा परिणत गरेपछि १० खेलाडीमा सिमित युभेन्टस्ले फेरि अग्रता लियो । तनावपूर्ण खेलको अन्त्यमा इन्टरका मार्सेलो ब्रोजोभिकले पनि रातो कार्ड खाएका थिए ।
युभेन्टस्ले लिगमा अन्तिम एक खेल खेल्न बाँकी छँदा ७५ अंक बटुलेको छ । लिगको दोस्रो स्थानमा रहेको एटलान्टाको ७८ अंक, तेस्रो स्थानमा रहेको मिलानको ७५ अंक र पाँचौ स्थानमा रहेको नापोलीको ७३ अंक छ । तर, नापोली र मिलानले लिगमा अझै दुई खेल खेल्न बाँकी छ । त्यसैकारण पनि च्याम्पियन्स लिगमा छनोट हुन् युभेन्टस्ले आफुले जितेर मात्रै पुग्दैन, अन्य क्लबहरु पनि हारेको हुनुपर्छ ।