आइसिसी एकदिवसीय विश्वकप लिग-२ अन्तर्तग नेपाल, ओमान र क्यानडाबीचको त्रिकोणात्मक एकदिवसीय खेलको खेल तालिका सार्वजनिक भएको छ।
क्रिकेट क्यानडाका अनुसार एकदिवसीय सिरिज भदौ ३१ देखि सुरू हुनेछ। असोज १० गते एकदिवसीय सिरिज सकिएपछि असोज १२ बाट टी-२० सिरिज सुरु हुनेछ।
दुवै सिरिज नेपालले चार-चार खेल गरी कुल ८ खेल खेल्नेछ। सिरिजको तयारीका लागि हाल नेपाली टोली श्रीलंकामा छ।
यसअघि भारतको बेंगलुरुमा दुई साता अभ्यास गरेर नेपाल फर्किएको टोली आइतबार श्रीलंका गएको थियो।
नेपालले क्यानडामा लिग-२ को दोस्रो सिरिज खेल्न लागेको हो। यसअघि नेपालले घरेलु मैदानमा पहिलो सिरिज खेलेको थियो। नेदरल्यान्ड्स र नामिबियाविरुद्धको सो सिरिजमा नेपालले एक खेल मात्र जित्दा तीन खेलमा पराजय भोगेको थियो।
क्यानडामा खेलेपछि नेपाली टोलीले अमेरिकामा अर्को सिरिज खेल्नेछ। अक्टोबरमा हुने सिरिजमा अमेरिका, नेपाल र स्कटल्यान्ड भिड्नेछन्।
विश्वकप लिग-२ को एकदिवसीय सिरिज
नेपाल भर्सेस क्यानडा – भदौ ३१- नेपाली समयअनुसार बेलुका ७:४५ बजे- ओन्टारियो
नेपाल भर्सेस ओमान – असोज २ गते- नेपाली समयअनुसार बेलुका ७:४५ बजे- ओन्टारियो
नेपाल भर्सेस क्यानडा – असोज ६ गते – नेपाली समयअनुसार बेलुका ७:४५ बजे- ओन्टारियो
नेपाल भर्सेस ओमान – असोज ८ गते – नेपाली समयअनुसार बेलुका ७:४५ बजे- ओन्टारियो
टी-२० सिरिज खेल तालिका
नेपाल भर्सेस क्यानडा – असोज १२ गते- नेपाली समयअनुसार बेलुका ९:४५ बजे- ओन्टारियो
नेपाल भर्सेस ओमान – असोज १३ गते – नेपाली समयअनुसार बेलुका ९:४५ बजे- ओन्टारियो
नेपाल भर्सेस क्यानडा – असोज १५ गते- नेपाली समयअनुसार बेलुका ९:४५ बजे- ओन्टारियो
नेपाल भर्सेस ओमान – असोज १६ गते – नेपाली समयअनुसार बेलुका ९:४५ बजे- ओन्टारियो
