२ फागुन, काठमाडौं । अमेरिका लैजाने भन्दै काठमाडौंमा ल्याएर बन्धक बनाइएका कम्तिमा ७ जना भारतीय नागरिकलाई प्रहरीले उद्धार गरेको छ ।
जिल्ला प्रहरी परिसर, काठमाडौंको विशेष टोलीले उनीहरुलाई रातोपुल क्षेत्रबाट उद्धार गरेको प्रहरी स्रोतले अनलाइनखबरलाई बतायो ।
उनीहरुलाई अमेरिका लगिदिने भन्दै रकम असुली गरेर नेपालमा ल्याएर अलपत्र पारेको पाइएको अनुसन्धानमा संलग्न अधिकृतहरु बताउँछन् । ‘घर नै भाडामा लिएर उनीहरुलाई राखेको पाइएको छ’, स्रोतले भन्यो, ‘केही नयाँ तथ्यहरु पनि फेला परेका छन् ।’
काठमाडौं प्रहरीले बिहीबार पत्रकार सम्मेलन गरेर यसबारे जानकारी गराउने तयारी गरेको छ ।
