१४ असोज, कालिकोट । कालिकोट जिल्लाको सान्नी त्रिबेणि गाउँपालिका वडा नम्वर २ स्थित बुट्ठिकेमा पैठे जात्रा तथा वडास्तरिय पुरुष भलिबल प्रतियोगिता सम्पन्न भएको छ । वडा नं. २ कार्यालयको प्राङ्गणमा जारी वडा स्तरिय पुरुष भलिबल तर्फको उपाधी वडा नं. ९ को खेलाडी हरुले जित हासिल गरेको छ । कर्णाली बहुउद्देश्यीय शान्ति युवा क्लब द्वारा आयोजना गरिएको उक्त भलिबल प्रतियोगिता वडा नं. ९ ले प्रथम स्थान र आयोजक कर्णाली बहुउद्देश्यीय शान्ति युवा क्लबले दोस्रो स्थान हात हासिल गरेको छ । असोज १२ गते देखि असोज १३ गते सम्म सञ्चालित वडा स्तरीय पुरुष भलिबल प्रतियोगितामा जम्मा ७ वटा टिमको सहभागिता रहको थियो ।
प्रथम हुने टिमलाई नगद रु. २० हजार , मेडल र प्रमाणपत्र र द्धितिय हुने आयोजक कर्णाली बहुउद्देश्यीय शान्ति युवा क्लब टिमलाई १० हजार , मेडल र प्रमाणपत्र प्रदान गरिएको आयोजक कर्णाली बहुउद्देश्यीय शान्ति युवा क्लबका अध्यक्ष बुढाले जानकारी दिए। त्यसैगरि प्रतियोगीतामा पुरुष उत्कृष्ट खेलाडी वडा न. ९ का खेलाडी माइकल धामी लाई मेडल र प्रमाणपत्र सहित सम्मान गरिएको छ। कर्णाली बहुउद्देश्यीय शान्ति युवा क्लबका अध्यक्ष गोबिन्द बहादुर बुढाको सभाध्यक्षतामा गरिएको समापन कार्यक्रममा प्रमुख अतिथि राष्ट्रिय प्रजातन्त्र पार्टीका केन्द्रिय सहमहामन्त्री धनबहादुर बुढा र विशेष अतिथिमा राष्ट्रिय भलिबल खेलाडी खेमराज गिरिलगायतको सहभागीत थियो ।
