२४ माघ, काठमाडौं । आज पनि देशका केही भू-भागमा आंशिक बदली भएको छ ।पश्चिमी वायुको सामान्य प्रभावका कारण मौसममा बदली भएको हो ।
आज दिउँसो देशका पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सामान्यतया सफा रहनेछ।
बुधबार प्रदेश नं १, बागमती प्रदेश र गण्डकी प्रदेशका पहाडी भू-भागमा आंशिक देखि सामान्य बदली तथा बाँकी भू-भागमा आंशिक बदली देखि मौसम सामान्यतया सफा रहनेछ ।
मौसम पूर्वानुमान महाशाखाका अनुसार बिहीबार भने देशको पहाडी भू-भागहरूमा आँशिक बदली भए पनि वर्षा र हिमपातको भने सम्भावना न्यून रहेको छ ।
