८ जेठ, काठमाडौं । काठमाण्डौ उपत्यकामा २४ घण्टामा २,३२८ जना संक्रमित भेटिएका छन् । स्वास्थ्य तथा जनसंख्या मन्त्रालयका अनुसार काठमाडौं जिल्लामा १,८११, भक्तपुरमा १७९ र ललितपुरमा ३३८ जनामा संक्रमण पुष्टि भएको हो ।
काठमाडौं उपत्यकामा कोरोना संक्रमण भई २,२२७ जना अस्पताल भर्ना भएका छन् । जसमध्ये १७४३ जना जनरल र एचडीयू बेडमा छन् भने ४८४ जना आईसीयूमा उपचाररत छन् । आईसीयूमा उपचाररतमध्ये १९३ जना भेन्टिलेटरमा
छन् ।
आज देशभरमा भने ८,९८० जना संक्रमित भेटिएका छन् । शनिबार एकै दिन ८,८४८ जना कोरोना संक्रमणमुक्त भएका छन् ।
