२८ वैशाख, विराटनगर । मोरङ र सुनसरीका अस्पतालमा थप १२ जना कोरोना सङ्क्रमितको मृत्यु भएको छ । हिजो रातिदेखि आज बिहानसम्म १२ जनाको मृत्यु भएको हो ।
विपि कोइराला स्वास्थ्य विज्ञान प्रतिष्ठान धरानमा तीन, कोसी अस्पताल कोभिड १९ उपचार केन्द्रमा चार, नोबेल शिक्षण अस्पतालमा तीन, र विराटनगर अस्पताल र विराट मेडिकल कलेजमा १–१ जनाको मृत्यु भएको हो ।
विराट शिक्षण अस्पतालमा विराटनगर महानगरपालिका–६ की ७० वर्षीया वृद्धा महिलाको आज बिहानका राति १२ः३० बजे मृत्यु भएको हो ।
विराटनगर अस्पतालमा धनुषाको विदेह–५ का ५५ वर्षीय पुरुषको मंगलबार बिहान ९ बजे मृत्यु भएको हो ।
नोबेलमा मेडिकल कलेजमा विराटनगर–१६ का ५२ वर्षीय पुरुषको छ । उनको बिहान ४ बजे मृत्यु भएको हो ।
नोबेलमै धनुषाको जनकपुर–४ का ५२ वर्षीय पुरुषको मृत्यु भएको छ । २२ गते भर्ना भएका पुरुषको बिहान ४ः३० बजे मृत्यु भएको हो ।
उदयपुरको त्रियुगा नगरपालिका–८ का ५५ वर्षीय पुरुषको पनि नोबेलमै मृत्यु भएको छ । वैशाख २६ गते अस्पतालको आइसोलेसनमा भर्ना गरिएकी उनको बिहान ६ः३० बजे मृत्यु भएको हो ।
त्रियुगा–५ का ५० वर्षीय पुरुषको कोसी अस्पताल कोभिड–१९ उपचार केन्द्रमा मृत्यु भएको छ । उनको आज बिहान १ः३० बजे मृत्यु भएको हो ।
झापाको दमक नगरपालिका–८ की ५६ वर्षीया महिलाको मंगलबार बिहान पनि कोसीमै मृत्यु भएको छ ।
विराटनगर–१० का ६८ वर्षीय वृद्धको सोमबार राति मृत्यु भएको छ ।