३० जेठ, काठमाडौं । आज संसदबाट पारि गरिन लागेको नयाँ नक्सा र निसाना छाप परिवर्तन सम्बन्धी संविधान संशोधन बिधेयकको पक्षमा भोट हाल्न समाजवादी पार्टीले नयाँ नक्साअनुसार नेपालको निशान छाप परिर्वतन गर्नेे संविधान संशोधन विधेयकको पक्षमा मत दिन सांसदहरूलाई ह्वीप जारी गरेको छ ।
संसदीय दलको आज बिहान शनिबार बसेको बैठकले सांसद सरिता गिरीलाई संशोधन फिर्ता लिन निर्देशन समेत लिएको छ । तर गिरी भने यसबारे सोचेर संसदमा जानकारी दिने बताएको एक सांसदले बताए । त्यसलगतै उनी बैठकबाट बाहिरिएकी छन् ।
बैठकले संशोधन विधेयकको पक्षमा मतदान गर्न सांसदहरुलाई हृवीप जारी गरेको सांसद प्रदीप यादवले जानकारी दिए ।
सरकारले लिम्पियाधुरा, कालापानी र लिपुलेक क्षेत्रलाई समेटेर जारी गरेको नयाँ नक्सा जारी अनुसार नक्सा निशान छापमा राख्न संविधान संशोधन विधेयक ल्याएको छ । यसमा समाजवादीकी सांसद गिरीले मात्र संशोधन हालेकी छन् ।
पार्टीले संशोधन फिर्ता लिन निर्देशन दिएपछि उनले फिर्ता लिएकी छैनन् ।
यद्यपि शनिबार विधयेक निर्णायार्थ पेश गर्नुअघि फिर्ता दिने समय बाँकी नै रहेछ ।
