काठमाडौँ । आईपीएल २०२४ को लिलामी डिसेम्बर १९ मा दुबईमा हुनेछ। आईपीएलको लिलामी देश बाहिर हुन लागेको यो पहिलो पटक हो । आईपीएल प्रशासनले सामाजिक सञ्जालमा यो जानकारी दिएको हो । गत वर्षको तुलनामा यसपटक टोलीसँग खेलाडी किन्न रु ५ करोड बढी हुनेछ ।
आईपीएल लिलामीका लागि १ हजार १६६ खेलाडी दर्ता भएका छन् । जसमा ८३० भारतीय र ३३६ विदेशी खेलाडी छन् । इङ्ल्यान्डका फास्ट बलर जोफ्रा आर्चरले विदेशी खेलाडीमा आफ्नो नाम राखेका छैनन् । मिचेल स्टार्क, प्याट कमिन्स, ट्राभिस हेड, जेराल्ड कट्जी र रचिन रविन्द्र जस्ता ठूला विदेशी खेलाडीहरू लिलामीमा प्रवेश गर्नेछन्। भारतीय खेलाडीमा हर्षल पटेल, शार्दुल ठाकुर, उमेश यादव र जयदेव उनाडकट जस्ता ठूला नाम छन्। उनीहरुको मूल्य १० करोड रुपैयाँभन्दा माथि जान
सक्छ ।
प्रतियोगितामा सहभागी १० टोलीले अधिकांश खेलाडीलाई रिटेन गरेका छन् । तसर्थ, अधिकतम ७७ खेलाडीहरू किन्न सकिन्छ, जसमध्ये घण् विदेशी हुनेछन्। टोलीसँग २६२.९५ करोड रुपैयाँ बाँकी छ, यस पटक प्रत्येक टोलीको पर्स १०० करोड हुनेछ।
यसबाहेक २० खेलाडीको बोली १ करोड ५० लाख र १६ खेलाडीको बोली १ करोड रुपैयाँबाट सुरु हुनेछ । बाँकी ११ सय ५ खेलाडीको आधार मूल्य २० देखि ९५ लाख रुपैयाँसम्म रहेको छ ।
