Breaking News

नौ दिन अघि पतिको पेस्तोलको गोली लागी घाइते भएकी शर्मिला चौधरीको उपचारको क्रममा निधन

१९ असोज, काठमाडौं । आफ्नै गरमा अचानक गोली लागेर घाइते भएकी नेपाल प्रहरी पूर्वप्रहरी महानिरीक्षकका निजी सुरक्षा अधिकृतकी श्रीमतीको उपचारको क्रममा आज मृत्यु भएको छ ।

सहायक निरीक्षक (असई) लक्ष्मण चौधरीकी श्रीमती शर्मिला चौधरीको नेपाल प्रहरी अस्पतालमा उपचारको क्रममा आज बिहान मृत्यु भएको काठमाडौं प्रहरी परिसर स्रोतले बतायो ।

नौ दिन अघि पति लक्ष्मणको पेस्तोलको गोली लागेको अवस्थामा निवासमै घाइते अवस्थामा फेला परेकी थिइन् । असई चौधरी घरमा नभएका बेला पत्नी शर्मिलाले आफैंलाई गोली हानेको आशंका प्रहरीका अधिकृतहरुले गरेका छन् ।