पोखरा । नेकपा एमालेको प्रदेश अन्तर्गत प्रथम अधिवेशन धमाधम भइरहेका छन् । यस अघि लुम्बनी, बागमती, कोशी र कर्णालीका अधिवेशन सम्पन्न भएर लुम्बिनी र बागमतीमा नयाँ नेतृत्व आईसकेको छ भने कर्णाली र कोशीमा आज मतगणना भएर आजै बेलुका सम्म नयाँ नेतृत्व निर्वाचित हुने बताइएको छ । यसै क्रममा गण्डकी प्रदेश अधिवेशन आजदेखि शुरु भएको
छ । गण्डकी प्रदेश अधिवेशनको पार्टी अध्यक्ष केपी शर्मा ओलीले उद्घाटन गर्नेछन् ।
पोखरामा हुने अधिवेशन उद्घाटन शुरु हुनुभन्दा अगाडी हस्पिटल चोक, औद्योगिक क्षेत्र, बुद्धचोक र बसपार्कबाट र्याली निकालिने बुझिएको छ ।
एमालेको गण्डकी प्रदेश अधिवेशनका लागि ९०७ जना प्रतिनिधि छनोट भएर पोखरा आइपुगेका छन् ।
