१३ असोज, पर्वत । पर्वत जिल्लाको कुश्मा नगरपालिका वडा न ७ र ८ को सिमानामा पर्ने तमादीखोलामा आएको बाढिले यात्रुबहाक टाटा सुमोलाई बगाउँदा ३ जना बेपत्ता भएका छन् । आज बागलुङबाट पोखरा जादै गरेको ग १ ज ६२१३ नम्बरको यात्रुबहाक टाटा सुमोलाई माथिबाट आएको बाढिले बगाएको जिल्ला प्रहरी कार्यालय पर्वतकाले जनाएको छ ।
बाढीले बगाएको सवारी साधन वेपत्ता भएकाले खोजी भईरहेको छ । सुमो आफ्नो गन्तव्यतिर जाँदै गर्दा एक्कासी आएको बाढिको अवस्था बुझन चालकले गाडीलाई झरेको बेलामा बाढिले सवारी सधान बगाएको हो ।
सवारी चालक प्रहरी नियन्त्रणमा रहेको र वेपत्ता यात्रुहरुको खोजी भइरहेको प्रहरीले जनाएको छ । घटनाको हुनुको थप विवरण आउन बाँकी छ ।
