१७ साउन, काठमाडौं । सत्तारूढ नेकपा (माओवादी केन्द्र)को पदाधिकारी बैठक जारी छ ।
आजदेखि काठमाडौंमा सुरु हुने केन्द्रीय समिति बैठकको तयारीका लागि बैठक बसेको हो ।
कमलादीस्थित नेपाल प्रज्ञा प्रतिष्ठानमा बस्ने बैठकको प्रत्यक्ष प्रसारण गर्ने माओवादीले तयारी गरेको छ ।
बैठकमा अध्यक्ष दाहालले राजनीतिक र साङ्गठिनक प्रतिवेदन पेस गर्ने कार्यसूची तय भएको माओवादी केन्द्रका केन्द्रीय कार्यालयका सचिव डोरप्रसाद उपाध्यायले जानकारी दिए ।
बैठकले सरकारको कामकारबाहीका बारेमा पनि समीक्षा गर्नेछ ।
बैठकमा तीन सय ८७ पूर्ण केन्द्रीय सदस्य, एक सय ९८ वैकल्पिक केन्द्रीय सदस्य, तीन आयोगका ७५ सदस्य र १० प्रदेशका पदाधिकारी एक सय जना सहभागी हुनेछन् ।
