१४ जेठ, काठमाडौं । जर्मन बुण्डेसलिगा क्लब बायर्न म्युनिखले लिग उपाधि जितेपछि सीईओ ओलिभर काहान र निर्देशक हसन सालीहामिदजिकलाई बर्खास्त गरेको छ ।
शनिबार लगातार ११औं पटक बुण्डेसलिगा उपाधि जितेपछि काहन र हसनलाई बर्खास्त गरेको क्लबले जनाएको छ ।
जमल मुसियलाले ८९औं मिनेटमा गोल गरेपछि बायर्नले जित निकाल्दै लिग नै जित्यो । बोरुसिया डर्टमण्ड माइज्सँग २-२ को बराबरीमा रोकिएपछि बायर्नलाई फाइदा पुगेको हो ।
क्लबले यो कठिन निर्णय भएपछि क्लबको समग्रमा विकासका लागि यो निष्कर्षमा पुग्नु परेको जनाएको छ ।
बुण्डेसलिगा जित्न कडा मिहिनेत गर्नुपरेको बायर्न जर्मन कप र च्याम्पियन्स लिगमा अने अन्तिम आठबाटै बाहिरिएको छ ।
