२३ असोज, काठमाडौं । प्रतिनिधि सभा निर्वाचनका लागि देशभर करिव २५ सय जनाले उम्मेदवारी दिएका छन् । देशभका निर्वाचन अधिकृतको कार्यालयबाट आयोगमा विवरण पठाउने क्रम चलिरहेकाले संख्या अझै बढ्ने अनुमान छ ।
निर्वाचन आयोगको पछिल्लो विवरण अनुसार देशभर २ हजार ४५२ जनाले उम्मेद्वारी दिएकोमा २२९ जनामात्रै महिला छन् भने बाँकी २ हजार २२३ पुरुष हुन् ।
प्रदेशसभामा ३३ सय २६ जनाको उम्मेदवारी परेको छ । त्यसमा २ सय ८६ जना महिला छन् भने ३ हजार ३९ जना पुरुषा हुन् । प्रदेशसभामा एकजना ‘अन्य’ लिंगका छन् ।
निर्वाचन आयोगका अनुसार, इन्टरनेटमा समस्या आएका कारण कर्णाली प्रदेशको कालिकोट, जुम्ला, मुगु, हुम्ला, डोल्पा लगायत थप केही जिल्लाको उम्मेदवारी र अन्य विवरण आउन सकेको छैन । सबैतिरबाट विवरण संकलन गर्दा उम्मेदवारको संख्या अझै बढ्ने अनुमान छ ।
