यौनिक तथा लैंगिक अल्पसंख्यकले आज राजधानी काठमाडौंमा ‘नेपाल प्राइड परेड’ निकालेका छन्।
क्वायर युथ ग्रुप र क्वायर राइट कलेक्टिभको आयोजनामा सो गौरवयात्रा निकालिएको हो।
गौरवयात्रामा नेपाल सिमान्तकृत यौन अभिमुखीकरण, लैंगिक पहिचान, तथा यौन विशेषताका व्यक्तिहरू सहभागी छन्।
काठमाण्डौको माइतीघर मण्डलबाट सुरू भएको गौरव र्याली बानेश्वरमा पुगी समापन भएको थियो।
विश्वभर जुन महिनामा ‘प्राइड परेड’ भनी ती समुदायले गौरवयात्रा मनाउँछन्।
विशेषतः सन् १९६९ जुन महिनामा न्यूयोर्कको स्टोनवाल दंगापछि यो गौरव यात्रा मनाइन थालेको हो।
