२२ वैशाख, चितवन । सत्ता गठबन्धले आज भरतपुरमा चुनावी सभा गर्दैछ । यस अवसरमा नेकपा माओवादी केन्द्रका अध्यक्ष प्रचण्ड चितवन जाने क्रममा आज भरतपुर विमानस्थनमा पत्रकारहरुसँग बोल्ने क्रममा भरतपुरमा सत्ता गठबन्धनले चुनाव जित्न समस्या नभएको बताएका छन् ।
बागी उम्मेदवार जगन्नाथ पौडेलप्रति इंगित गर्दै माओवादी केन्द्रका अध्यक्ष प्रचण्डले उम्मेदवारी उठ्न जो–कोहीलाई पनि स्वतन्त्रता रहेको भन्दै फैसला जनताको हातमा रहेको बताए ।
भरतपुरमा सत्ता गठबन्धनका तर्फबाट माओवादी केन्द्रकी रेनु दाहाल मेयरको उम्मेदवार छिन् । भरतपुरमा हुने सभालाई सम्बोधन गर्न नेपाली कांग्रेसका सभापति एवं प्रधानमन्त्री शेरबहादुर देउवा र वरिष्ठ नेता रामचन्द्र पौडेल बुधबार नै चितवन आइसकेका छन् । एकीकृत समाजवादी पार्टीका अध्यक्ष माधवकुमार नेपाल पनि भरतपुर आएका छन् ।
