आज बानेश्वरमा भएको एमसीसी विरुद्धमा भएको झडपमा माओवादी केन्द्रको भ्रातृ संगठन अखिल क्रान्तिकारीकी अध्यक्ष पञ्चा सिंह घाइते भएकी छन् । प्रहरीसँगको झडपका क्रममा प्रहरीको लाठी प्रहारबाट उनी घाइते भएकी हुन् । यस्तै क्रान्तिकारीका नेताहरु केशव रावल, समीर लुईँटेल, क्षितिज सापकोटा, विमल पौडेल, पुरुषोत्तम यादव लगायत एक दर्जनभन्दा बढी अरु नेता तथा कार्यकर्ता समेत घाइते भएका छन् । अन्यौ प्रदर्शनकारी समेत घाइते भएको बुझिएको छ त्यसको एकिन भएको
छैन । संसदमा तिनै प्रदर्शनकारीका नेता तथा सांसदहरुको सहमतिमा संसदमा एमसीसी टेबल गरिरहेका छन् भने बाहिर उनैका कार्यकर्ता सोही एमसीसीको बिरोधमा सडकमा प्रहरीसँग लडेर घाइते र अंगभंग भएका छन् । यसको परिणाम के हुन्छ त्यसको प्रतिफल भोलिका दिनमा आउने नै छ ।
