साबिक विजेता एथ्लेटिको म्याड्रिड स्पेनिस ला लिगामा पुछारको टोली लेभान्तेसँग पराजित भएको छ । बुधबार राति भएको खेलमा एथ्लेटिको १–० गोलअन्तरले पराजित भएको हो । दोस्रो हाफमा गोन्जालो मेलेरोले गरेको एक मात्र गोल खेलमा निर्णायक बन्यो ।
इन्जुरी समयमा एन्जेल कोरेयाले एथ्लेटिकोका लागि गोल फर्काए पनि त्यसलाई फल भन्दै रद्द गरिएको थियो । पछिल्ला १० लिगमा एथ्लेटिकोको यो छैटौँ हार हो । २४ खेलपछि ३९ अङ्क बटुल्दै टोली लिगको पाँचौँ स्थानमा सीमित बनेको छ । शीर्ष स्थानमा रहेको रियल म्याड्रिडभन्दा एथ्लेटिको १५ अंकले पछि रहेको छ ।
अब डिएगो सिमिओनीको टोलीले अब ला लिगामा ओसासुनाको सामना गर्नेछ भने अर्को बुधबार च्याम्पियन्स लिगमा म्यानचेस्टर युनाइटेडको आतिथ्य गर्नेछ ।
