२७ मंसिर, काठमाडौं । नेपाली कांग्रेसको १४औं महाधिवेशनको नयाँ नेतृत्व चयनका लागि अहिले मतदान भइरहेको छ । नयाँ नेतृत्व चयनका लागि ५ जनाले सभापति सहित प्यानलै चुनावमी मैदानमा उत्रिएकाा छन् । निवर्तमान महामन्त्री शशांक कोइरालाले पनि सभापतिमा लड्ने भनिरहे पनि सभापतिको दाबी छोड्दै डा. शेखर कोइरालालाई समर्थन जनाउँदै केन्द्रीय सदस्यमा उम्मेदवारी दिएका छन् । आज बिहान मतदातासमू उपस्थित भएर भोट माग्ने क्रममा उनले आफूले कुनै गुटको प्रतिनिधित्व नगर्ने बताएका छन् । रामचन्द्र पौडेल समूहमा रहेका उनी सभापतिका आकांक्षी थिए, तर साझा उम्मेदवारका लागि दाबी छाडे । यो समूहबाट साझा उम्मेदवार बन्न सकेन ।
प्रकाशमान सिंहले छुट्टै उम्मेदवार दिएका छन् भने शेखर कोइरालाको नेतृत्वमा प्यानल बनेको छ । यो प्यानलले शशांकलाई केन्द्रीय सदस्यको सूचीमा राखेको छ । तर सोमबार मतदान स्थलमा भेटिएका निवर्तमान महामन्त्री डा. कोइरालाले आफूले कुनै पनि गुटको प्रतिनिधित्व नगर्ने बताए ।
‘म कुनै गुटलाई प्रतिनिधित्व गर्दिनँ,’ उनले भने, ‘म त चाहन्छु कांग्रेस एक होस् । त्यसेले दुवै गुटले मलाई मन पराएको छ जस्तो लाग्छ ।’
