१२ मंसिर, चितवन । नेकपा एमालेको १० औं राष्ट्रिय महाधिवेशनको आज तेस्रो दिन बन्सत्रको बैठक बस्ने लागिरिहेको छ यसका लागि ओलीइतर समूहको बैठक चलिरहेको बुझिएको छ । त्यसमा उपाध्यक्ष भिम रावल निकटको पनि छलफल भइरहेको बुझिएको छ । बन्त्रसत्रमा केही प्रतिनिधिहरूलाई भीम रावलको पर्चा वितरण गरिएको पछि पर्चा बाँड्दै मूल गेटसम्मै पुगेका रावल पक्षका कार्यकर्ताहरुलाई एमाले स्वयंसेवकहरुले यहाँ पर्चा बाँड्न पाइँदैन भन्दै बाहिर
पठाइदिएका ।
बन्दसत्रको हलभित्र प्रवेश गर्न लामबद्ध भएकाहरुलाई रावलका कार्यकर्ताहरुले पर्चा वितरण गरेका थिए । ‘मेरो उम्मेदवारी किन’ लेखिएको भीम रावलको पर्चामा रावलले अध्यक्षमा उम्मेदवारी दिनुपर्नाका कारणबारे उल्लेख छ ।
पर्चा हातमा लिइसकेका प्रतिनिधिहरूलाई पनि स्वयंसेवकहरुले बाहिर ननिकाल्न र खल्ती वा झोलामा राख्न आग्रह गर्दै हलभित्र छिराएका छन् ।
आजको बन्दसत्रले केपी शर्मा ओलीलाई सर्वसम्मत अध्यक्ष चयन गर्ने तयारी छ । तर रावलले पनि अध्यक्षमा उम्मेदवारी घोषणा गरेका छन् ।