२१ असोज, कालिकोट, जारकोट । नेकपा एकीकृत समाजवादी पार्टी अहिले देशभरी संगठ बिस्तार क्रममा अहिले देश दौडाहमा रहेको छ । करिब ६५ जिल्लामा जिल्ला नेतृत्व देखि नगर, पालिका र वडास्तरमा कमिटी निर्माणको क्रममा कालिकोट जिल्लाको पचालझरना गाउँपालिकाको पालिका कमिटी निर्माण गरिएको छ ।
हिजो असोज २० गते पचालझरना जारकोटमा एकीकृत समाजवादी जिल्ला कमिटी अध्यक्ष विश्वराज बम र सचिव चित्रसिंह गाउँलेको उपस्थितिमा पौरखे लुवार (जंगबीर) को अध्यक्षमा ४५ सदस्यीय पालिका कमिटी निर्माण गरिएको छ ।
एकीकृत समाजवादी जिल्ला कमिटी सचिवालय सदस्य रणबहादुर रोकायाले कदर न्यूजलाई दिएको जानकारी अनुसार जिल्ला कमिटी अध्यक्ष विश्वराज बमको प्रमुख अध्यक्षता र सचिव चित्रसिंह गाउँलेको आथित्यमा पौरखे लुवारको अध्यक्षतामा पचालझरना गाउँपालिका कमिटी निर्माण गरिएको बताउनु भयो । त्यस्तै उपाध्यक्षमा सक्कलबहादुर शाही, सचिवमा चन्द्रकृष्ण सञ्याल, सह–सचिवमा परेक रोकाया रहने गरी ४५ सदस्यी पालिका कमिटी गठन गरिएको सचिवालय सदस्य रोकायाले बताउनु भयो ।
त्यस्तै हिजो पालिका कमिटी गठन गरिएको र आज पचालझरनाको जारकोटमा नेकपा एकीकृत समाजवादीको पचालझरना गाउँपालिका कमिटीको कार्यालय स्थापना गरी पाार्टी अध्यक्ष विश्वराज बमले उद्घाटन समेत गरिएको रोकायाले बताउनु भएको छ ।
