एमालेको विधान महाधिवेशनमा पेश भएका तीनवटा दस्तावेजमाथि छलफल गर्न प्रतिनिधिहरू १० वटा समूहमा विभाजन

आज शुक्रबारबाट सुरु भएको नेकपा एमालेको विधान महाधिवेशनमा पेश भएका तीनवटा दस्तावेजमाथि छलफल गर्न प्रतिनिधिहरूलाई १० वटा समूहमा विभाजन गरिएको छ । भोली शनिबार बिहान ८ बजे सुरु हुने दोस्रो दिन ती दस्तावेजहरूमाथि समूहगत छलफल हुने प्रचार विभाग प्रमुख योगेश भट्टराईले जनाएका छन् ।

एमालेको प्रथम विधान महाधिवेशन ललितपुरको गोदावरीस्थित सनराइज सम्मेलन केन्द्रमा शुभारम्भ भएको हो । महाधिवेशनको उद्घाटन अध्यक्ष केपी शर्मा ओलीले गरेका थिए ।

कुल ६ हजार ३ सय ४७ प्रतिनिधिहरू सहभागी रहेको महाधिवेशनको उद्घाटन सत्रमा अध्यक्ष केपी शर्मा ओलीले राजनीतिक प्रतिवेदन, महासचिव ईश्वर पोखरेलले संगठनात्मक प्रस्ताव र उपमहासचिव तथा संगठन विभाग प्रमुख विष्णुप्रसाद पौडेलले विधान संशोधन प्रस्ताव प्रस्तुत गरेका थिए ।

महाधिवेशनलाई व्यवस्थित रुपमा सञ्चालन गर्न ५ कमिटीहरु गठन गरिएको छ ।

१.अध्यक्ष मण्डल