२४ साउन, काठमाडौं । जापानमा जारी टोकियो ओलम्पिकअन्तर्गत पुरुष फुटबलमा ब्राजिलले स्वर्ण जितेको छ । ब्राजिल खेलाडी माल्कोमको निर्णायक गोलमा स्पेनलाई पराजित गर्दै
हिजो भएको फाइनलमा स्पेनलाई अतिरिक्त समयमा २-१ गोलले पराजित गर्दै ब्राजिलले लगातार दोस्रो पटक स्वर्ण पदक जितेको हो ।
ब्राजिललाई जित दिलाउन म्याथुएस कुन्हा र माल्कोमले गोल गरे । स्पेनका मिकेल ओयार्जाबलले एक गोल फर्काए ।
निसान स्टेडियममा भएको खेलको ३८औं मिनेटमा ब्राजिलका रिचार्लीसनले पेनाल्टीमा गोल गर्न नसक्दा ब्राजिलले अग्रता लिने अवसर गुमाएको थियो ।
तर पहिलो हाफको इन्जुरी समयमा कुन्हाले गोल गर्दै ब्राजिललाई १-० को अग्रता दिलाए ।
६१औं मिनेटमा ओयार्जाबलले स्पेनका लागि बराबरी गोल फर्काए ।
निर्धारित ९० मिनेटको खेल १(१ गोलको बराबरीमा सकिएपछि खेल अतिरिक्त समयमा गएको थियो । जहाँ ब्राजिलका माल्कोम नायक बने । उनले १०८औं मिनेटमा गोल गर्दै ब्राजिललाई २-१ को जित दिलाए ।
ब्राजिलले लगातार दोस्रो पटक ओलम्पिक फुटबलमा स्वर्ण जितेको हो । यसअघि ब्राजिलले सन् २०१६ मा घरेलु भूमिमा भएको रियो ओलम्पिकमा स्वर्ण जितेको थियो ।
