Breaking News

वर्षको पहिलो कारोबार दिन सेयर बजारमा हरियाली

१ साउन, काठमाडौं । आर्थिक वर्षको पहिलो कारोबार दिन सेयर बजारमा हरियाली छाएको छ । प्रि-ओपनिङ सेसनमा ५० कम्पनीको सेयर कारोबार हुँदा ४१ कम्पनीको सेयर मूल्य बढेको थियो । नियमित कारोबार समयको ३० मिनेटसम्ममा नेप्से ५३.३९ अंकले बढेको छ ।

जसमा १७५ कम्पनीको सेयर मूल्य बढेको छ भने दुईवटा कारोबार भएको छैन भने तीन कम्पनीको मात्रै सेयर मूल्य घटेको छ । ङादी ग्रुप पावर र सिंगटी हाइड्रोपावरको सेयर मूल्य ८ प्रतिशतभन्दा बढीले बढेको छ ।

नयाँ सरकार परिवर्तनसँगै एक सातासम्म स्थिरप्रायस् रहेको बजार अर्थमन्त्रीको बजारबारेको धारणा पछि राम्रो लयमा फर्किएको जानकारहरु बताउँछन् ।

शुक्रबार पत्रकारहरुसँगको अन्तरक्रियामा नवनियुक्त अर्थमन्त्री जनार्दन शर्माले सेयर बजार विकास सरकारको प्राथमिकतामा भएको बताएका थिए । सरकारको राजस्वको राम्रो स्रोतको रुपमा रहेको पूँजीबजारको हितमा काम गर्ने अर्थमन्त्री शर्माले बताएका थिए ।

Leave a Reply

Your email address will not be published. Required fields are marked *