कार्लो एन्सिलोट्टीको प्रशिक्षणमा ग्यारेथ बेलले रियल म्याड्रिका लागि निकै उत्कृष्ट खेलेका थिए । अहिले एन्सिलोट्टी रियलमा फर्किएका छन् र बेल फेरि चम्कनेसक्ने अनुमान लगाइएको छ । तर, गत सिजन लोनमा टोट्टनेह्यामबाट खेलेका बेलले सायद एन्सिलोट्टीको प्रशिक्षणमा खेल्ने छैनन् ।
जिदानले बेललाई अन्यत्र पठाउनका लागि धेरैपटक प्रयास गरेका थिए । तर, गत सिजनमात्रै यो संभव भयो र बेल टोेट्टेनह्याम गए ।
रियलमा एन्सिलोट्टी फर्किएपछि बेलसँग फेरि कुराकानी सुरु भएको छ । तर, एकअर्काप्रति सम्मान भएपनि उनीहरु एकसाथ काम नगर्न सक्छन् ।
मार्सालाई प्राप्त सुचनाअनुसार बेलले युरोकपको अन्त्यसँगै सन्यास लिनेबारे सोच्दैछन् । रियल म्याड्रिडसँग अझै उनको एक वर्षको सम्झौता बाँकी छ । तर, यो क्लब उनको पक्षमा उभिनेजस्तो देखिदैंन किनकी उनको तलब निकै महंगो छ । उनी बिदा हुँदा २ करोड २० लाख युरो क्लबको वार्षिक तलब खर्चबाट कटौती भएको छ ।
३१ वर्षको उमेरमै सन्यास लिनु अनौठो लाग्नसक्ला । तर, यसका लागि बेलले लामो समयदेखि सोचिरहेका थिए । र, उनी केवल अन्तर्राष्ट्रिय खेल खेल्दामात्रै खुसी भएजस्तो देखिन्छन् ।
२०१३ मा विश्व किर्तिमानी मुल्यमा बेल रियल म्याड्रिड आएका थिए । रोनाल्डो र करिम बेन्जामासँग मिलेर उनले रियलबाट निकै आक्रामक खेल देखाए । रियलबाट बेलले चार पटक च्याम्पियन्स लिग र दुईपटक ला–लिगा र एकपटक कोपा डेल रे पनि जिते ।
