९ जेठ, काठमाडौं । राष्ट्पतिले संसदको विघठन गरेपछि त्यस बिरुद्ध सर्वोच्चमा रिट दायरका लागि सांसदहरुको हस्ताक्षर संकलनका लागि नेकपा एमाले माधव विपक्षी सांसदहरुको हस्ताक्षर संकलनका लागि सांसदहरु बानेश्वरमा भेला भएका छन् । गठबन्धन दलहरुले संसद विघटनविरुद्ध सर्वोच्च अदालतमा दायर गर्ने रिटमा हस्ताक्षर गर्न लागेका हुन् ।
नेपाल पक्षका सांसद सोमप्रसाद पाण्डेका अनुसार १८ जना सांसदहरु बानेश्वर आइपुगिसकेका छन् । बाँकी सांसदहरु आउने क्रम जारी रहेको उनले बताए ।
विपक्षी दलहरुको गठबन्धनले संसद विघटनविरुद्ध सर्वोच्च अदालतमा दायर गर्ने रिट तयार भएसँगै नेपाल पक्षका सांसदहरु संसद भवन आइपुग्ने क्रम सुरु भएको नेता पाण्डेले बताए ।
प्रधानमन्त्रीको सिफारिसमा राष्ट्रपति विद्यादेवी भण्डारीले गत शुक्रबार मध्यरातमा संसद विघटन गरेपछि विपक्षी गठबन्धनले १४९ जना सांसदको हस्ताक्षरसहित सर्वोच्च अदालतमा रिट दिन लागेको हो ।
रिटमा धारा ७६ (५) अनुसार प्रधानमन्त्री नियुक्तिका लागि नेपाली कांग्रेसका सभापति शेरबहादुर देउवाले १४९ सांसदको हस्ताक्षरसहित गरेको दावी वैधानिक रहेको दावी गरिएको छ । देउवालाई प्रधाानमन्त्री नियुक्तिका लागि नेकपा एमालेका २६ सांसदले हस्ताक्षर गरेका थिए ।
कांग्रेस नेता रमेश लेखकका अनुसार रिटमा देउवालाई प्रधानमन्त्री नियुक्तिका लागि परमादेश माग गरिएको छ ।
हस्ताक्षरका लागि बानेश्वर पुगेका माधव नेपाल पक्षका सांसदहरु :
१. जीवनराम श्रेष्ठ
२. कृष्णलाल महर्जन
३. विरोध खतिवडा
४. झपटबहादुर रावल
५. निरादेवी जैनु
६. सोमप्रसाद पाण्डे
७. सरलाकुमारी यादव
८. कल्याणी खड्का
९. लक्ष्मीकुमारी चौधरी
१०. माधवकुमार नेपाल
११. भीमबहादुर रावल
१२. कलिला खातुन
१३. घनश्याम भुसाल
१४. रामकुमारी झाँक्री
१५. सुरेन्द्र पाण्डे
१६. झलनाथ खनाल
१७. पुष्पाकुमारी कर्ण कायस्थ
१८. भवानीप्रसाद खापुङ