२५ चैत, पोखरा । नेकपा एमालेको माधव नेपाल समूहले देशैभरी समान्तर कमिटी बनाउने क्रममा गण्डकी प्रदेशको राजधानी कास्कीमा पनि समान्तर कमिटी गठन गरेको छ ।
गएको चैत १९ गते एमाले वरिष्ठन नेता माधवकुमार नेपाल र गण्डकी प्रदेश इन्चार्ज सुरेन्द्र पाण्डेले धनराज आचार्यको संयोजकत्वमा ७५ सदस्यीय जिल्ला कमिटी घोषणा गरेका थिए ।
समानान्तर कमिटीको सचिवमा होम नेपाली थिए । घोषणा गरिएको सदस्यको संख्या थपेर १४९ सदस्यीय पु¥याएर शपथ गराइएको कास्की अध्यक्ष आचार्यले जानकारी दिए ।
कमिटीको उपाध्यक्ष शोभखर भण्डारी, उपसचिव पूर्ण लामा चयन भएका छन् । यस्तै पोखरा महानगर कमिटी अध्यक्षमा मुक्ति पौडेल र सचिवको जिम्मेवारी सुशील बस्नेतलाई दिइएको छ ।
केन्द्रीय पोलिटब्युरो सदस्य तुलबहादुर थापाले कमिटीका पदाधिकारी तथा सदस्यलाई शपथ खुवाए । जिल्ला कमिटीका सदस्यहरुको नामावली टुंगो लागेपछि योगेश भट्टराईबाट शपथ खुवाउने कार्यक्रम थियो । मौसमका कारण जहाज नउडेपछि नेता थापाले शपथ खुवाएका थिए ।
