२१ चैत, काठमाडौं । प्रधानमन्त्री केपी शर्मा ओलीले आज सरकारी निवास बालुवाटारमा १६५ वटै निर्वाचन क्षेत्रको रणनीतिक सडक विस्तार शुभारम्भ कार्यक्रममा बोल्दै समर्थन फिर्ता लिए आफ्नो राजीनामा आउने बताएका छन् ।
ए बाबा, हटाउ न त, समर्थन फिर्ता लिइदेऊ न त भन्छु, लिँदैनन्, अनि राजीनमा माग्छन् ।
ओलीले ‘पहिले समर्थन फिर्ता लेऊ, राजीनामा आइहाल्छ नि’ भने ।
प्रधानमन्त्री केपी ओलीले आफूलाई बहुत स्थापित र राष्ट्रको सबैभन्दा लोकप्रिय तथा बढी बिक्ने अखबारले राजीनामा माग्ने समाचारलाई प्राथमिकता दिएको भन्दै कटाक्ष गर्दा यस्तो बताएका हुन् ।
मेरो राजीनामा दिनैपिच्छे एक–एक वटाले मागेका हुन्छन्, त्यो अखबारले समाचार छाप्छ,’ उनले भने, ‘मेलम्चीको पानी आएको थाहा पाउँदैन ।
ओलीले त्यो अखबारले मेलम्चीको पानी आएको समाचार नदिएको तर आफ्नो राजीनामा मागेको समाचार दिएको बताए ।
‘मेरो राजीनामा आज मागेको हो र ? मागेको माग्यै छ त । माग्दैपिच्छे म कसरी दिन सक्छु भनेको ?
