५ चैत, काठमाडौं । हिजो राति भएको अन्तिम १६ को दोस्रो लेगमा स्पानिस क्लब एट्लेटिको मड्रिडलाई २–० ले पराजित गर्दै इंग्लिस क्लब चेल्सी सात वर्षपछि युरोपियन च्याम्पियन्स लिग फुटबलको क्वाटरफाइनलमा प्रवेश गरेको छ ।
यस जित संगै चेल्सीले क्वाटरफाईनलमा स्थान पक्का गरेको हो ।
पहिलो लेगमा १–० को जित हात पारेको लण्डन क्लब चेल्सी समग्रमा ३–० ले विजयी भयो ।
घरेलु मैदानमा भएको दोस्रो लिगमा चेल्सीलाई जित दिलाउन हाकिम जिएच र इमर्सनले एक एक गोल गरे ।
खेलको ३४ औं मिनेटमा जिएचले गोल गर्दै चेल्सीलाई अग्रता दिलाएका थिए । इन्जुरी टाइममा इमर्सनले गोल गर्दै चेल्सीलाई २–० को जित दिलाए ।
८२ औं मिनेटमा स्टेफान साभिकले रातो कार्ड पाएपछि एट्लेटिको १० खेलाडीमा समेटिएको थियो ।
चेल्सी सन् २०१३÷१४ को सिजनपछि पहिलो पटक क्वाटरफाइनलमा पुगेको हो ।