४ चैत, काठमाण्डौ । काठमाडौंको टोखामा एक युवकको हत्या गरेको अभियोगमा प्रहरीले तीनजनालाई पक्राउ गरेको छ । हत्या अभियोगमा भारतीय नागरिक भुपेन्द्र कुमार, रौतहटका मोहम्मद कासिम र अर्का एकजनालाई पक्राउ गरेको प्रहरीले जनाएको छ ।
गत फागुन २९ गते टोखा नगरपालिका–१ मा मोरङ उर्लाबारीका आशिष लिम्बूको शव फेला परेको थियो । आशिष लागूऔषध दुर्व्यसनीसमेत रहेको बताइएको छ । लागूऔषध सेवन गरी भएको झगडामा कुटपिटपछि उनको मृत्यु भएको हुनसक्ने प्रहरीको अनुमान छ ।
यस विषयमा थप जानकारी दिन जिल्ला प्रहरी परिसर काठमाडौंले अपरान्ह तीन बजे पत्रकार सम्मेलन गर्ने भएको
छ ।
