१० कात्तिक, कैलाली । आज बिजया दशमी को दिन कार्तिक १० गते पनि १७४१ जनामा कोरोना भाइरस संक्रमण पुष्टि भएका छन् ।
स्वास्थ्य तथा जनसंख्या मन्त्रालयका अनुसार ५ हजार ६ पीसीआर परीक्षणमा १०६४ पुरुष र ६७७ महिलामा कोरोना भाइरस संक्रमण पुष्टि भएको हो ।
योसँगै नेपालमा कुल कोरोना संक्रमितको संख्या १ लाख ५९ हजार ८३० पुगेको छ । आजै ४००५ जना कोरोना भाइरस संक्रमणमुक्त भएका छन् ।
हालसम्म १ लाख १५ हजार ६ सय ७५ जना कोरोना भाइरस संक्रमणमुक्त भएका छन् ।
सबैभन्दा धेरै संक्रमित काठमाडौं जिल्लामा ६७३ जना भेटिएका छन् । त्यस्तै सुनसरीमा १८५, ललितपुरमा १४६, कास्कीमा १०१, भक्तपुरमा ७६ जना, नवलपरासी पूर्वमा ६० जना, काभ्रेमा ५९ जना, रुपन्देहीमा ५८ जना, झापामा ५० जना, अर्घाखाँचीमा ३३ जना संक्रमित भेटिएका छन् ।
सप्तरी र मकवानपरमा २९–२९ जना, तनहुँमा २५ जना, चितवनमा २४ जना, कपिलवस्तुमा २२ जना, बागलुङमा १७ जना, महोत्तरीमा १४ जना, मोरङमा १३ जना, धनुषा र बाँकेमा १२–१२ जनामा संक्रमण पुष्टि भएको छ ।
नुवाकोटमा ८ जना, दोलखामा ७ जना, गुल्मी र नवलपरासीमा ६–६ जना, बारा, सिन्धुली र दैलेखमा ५–५ जना, सर्लाही, रामेछाप, लमजुङ र प्युठानमा ४–४ जना, स्याङ्जा र दाङमा ३–३ जना, सिराहा, सिन्धुपाल्चोक र पर्वतमा २–२ जना, उदयपुर, ताप्लेजुङ, गोरखा, पाल्पा, जुम्ला, रुकुम पश्चिम, अछाम, कञ्चनपुर र दार्चुलामा १–१ जना संक्रमित भेटिएको मन्त्रालयले जानकारी दिएको छ ।