९ असोज, काठमाडौं । ललितपुर महानगरपालिकाका मेयर चिरिबाबु महर्जनलाई कोरोना भाइरस संक्रमण पुष्टि भएको छ ।
हिजो बिहीबार दिउँसो १०२ फरेनहाइट ज्वरो आएको थियो । सिटामोल खाँदा पनि कम नभएपछि शुक्रबार विहानै स्वाब दिएका थिए । केहीबेर अगाडि पोजेटिभ रिपोर्ट आयो । म होम आइसोलेसनमा बसेको छु ।
अहिले पनि घाँटी, टाउको र शरीर दुखिरहेको उनले सुनाए ।
महर्जनका अनुसार उनकी पत्नीको रिपोर्ट भने नेगेटिभ आएको छ ।
मेयर महर्जनले आफ्नो सम्पर्कमा आएकाहरुलाई आइसोलेसनमा रहन र परीक्षण गराउन पनि आग्रह गरेका छन् ।
