३० भदौं, काठमाडौं। जेनजी आन्दोलनबाट घरभित्रै सिमित भएका नेपाली राजनीतिक दलका नेता तथा भिआइपी नेताहरु विस्तारै एकएक गरी सार्वजनिक हुन थालेको छन् । प्रायजसो नेताहरुले सामाजिक संञ्जालबाट आफ्ना धारणा समेत राखिरहेका छन् । यसै क्रममा नेपाली कांग्रेसका महामन्त्री गगन थापाले सामाजिक संजालबाट दोस्रो पटक आफ्ना धारणा बाहिर ल्याएका छन् । उने भने, निष्पक्ष निर्वाचन सम्पन्न गरेर संविधान र लोकतन्त्रलाई जोगाउनुपर्ने बताएका छन्।
थापाले तोकिएकै समयमा निर्वाचन गराउने वातावरण निर्माण गरिनुपर्ने बताए। ‘भयरहित वातावरणमा समयमै निष्पक्ष निर्वाचन सम्पन्न गरेर संविधान र लोकतन्त्रलाई सही ट्याकमा ल्याउने आजको मुख्य राष्ट्रिय जिम्मेवारी बन्न पुगेको छ, यो कुरा नविर्सौं’, थापाले लेखेका छन्।
उनले निर्वाचनको तयारी सँगसँगै पार्टी पुनगर्ठन पनि गरिनुपर्ने बताएका छन्। ‘पार्टी पुनर्गठन आजको अनिवार्य आवश्यकता हो। संविधान दिवसकै दिनदेखि संकल्पसहित पुनर्गठन अभियान सुरु गरौं’ उनलेले भनेका छन्, ‘जेन(जी आन्दोलनले उठाएको भ्रष्टाचारमुक्त राज्य र समाजको नेतृत्व गर्ने पार्टी बनाउने गरी पार्टीको सदस्यता, संगठन संरचना, नेतृत्वचयन प्रक्रियादेखि हाम्रा मुद्दा र शैली सबैमा आमूल सुधार जरूरी छ।’
पार्टी पुनर्गठनका क्रममा आफू महामन्त्री पद त्याग्न समेत तयार रहेको घोषणा गरेका छन्। ‘यसको लागि म सहर्ष महामन्त्री पद छोड्न तयार छु । यसमा छलफल शुरू गरौं। स्वीकार गरौं(गल्ती भएको छ अनि आत्मसमीक्षा, आत्ममुल्याङ्कन र आत्मसंकल्प गरौं ।
