आज मातातिर्थ औषी (आमाको मुख हेर्ने दिन) वैशाख महिनामा पर्ने मातातिर्थ औषी मेला काठमाडौं जिल्ला चन्द्रागिरी नगरपालिका स्थित मातातिर्थ कुण्डमा लाग्ने गर्दछ । आजको दिन यस पवित्र कुण्डमा आफ्नी दिवंगत आमालाई सम्झदै आमाको नाममा चिरशान्तिको कामना गर्दै हिजो राती कुण्डभित्र बत्ति बालेर जागाराम बसी आज कुण्डमा रहेको आमाको प्रतिमामा पुजा र कुण्डमा रहेको जलासायमा पुजा र जलस्थानका साथै उपहार चढाएर आफ्नी दिवंगत आमालाई सम्झने गरिन्छ । भने जो आफुसँगै भएकी आमालाई आज मिठो खानेकुरा, राम्रो लुगा उपहार दिएर सँगै बसेर आमाको दिर्घायु र स्वस्थ जीवनकोे कामना गरिन्छ । त्यस्तै काम विशेषे नेपालभित्रै र विदेशमा रहेकाले आफ्नी जन्मदिने आमालाई सम्झैदै दिर्घायुका लागि फोन र समाजिक सञ्जालमार्फत् आमालाई सम्झदै लामो आयुको कामना गरिन्छ ।
आज विश्वकै पवित्र र अलौकिक तिर्थस्थल मातातिर्थ कुण्डमा ठुलो सख्यामा मेला लाग्दछ । यस तिर्थस्थलमा नेपाल लगायत भारतबाट समेत भक्तजनहरु आउने गर्दछन् । आफ्नी दिवंगत आमाको सम्झनामा यस तिर्थस्थलमा पुगेर पुजा गरी चिरशान्तिको कामना गरिन्छ । आजको दिन यो क्षेत्र मानवमय देखिएको छ । मातातिर्थै कुण्डदेखि तल पृथ्वीराजमार्ग ग्रुजुधारासम्म मान्छेहरुको भिड लागिरहेको छ । यातायातलाई आवतजावतमा बन्द गर्दै गु्रजुधारादेखि कुण्डसम्मको डेढ किलोमिटर क्षेत्र भक्तजनहरु र व्यापारीहरुले छापिएको छ । मान्छेहरुको भिडले पैदल हिड्न समेत कठिनाइ भएको यस क्षेत्रमा भक्तजनहरु आउने क्रम अझै बढीहरेको छ । योे क्रम बेलुकासम्म जारी रहन्छ र साँझबाट समापन हुनेछ ।
