काठमाडौं । क्यानडाका प्रधानमन्त्री जस्टिन ट्रुडोले रुसी तेल ट्यांकर र जहाजहरूमा प्रतिबन्ध लगाउने घोषणा गरेका छन् ।
जस्टिन ट्रुडोले सामाजिक सञ्जाल प्लेटफर्म एक्समा भनेका छन्, ‘रूसले तेलबाट कमाएको पैसाले युक्रेनमा आफ्नो युद्धलाई आर्थिक सहयोग गरिरहेको छ। अन्तर्राष्ट्रिय प्रतिबन्धहरूबाट बच्न रूसले अवैध रूपमा जहाजहरू मार्फत विश्वभर आफ्नो तेल ढुवानी गरिरहेको छ ।’
उनले किभमा रहेका १०९ रूसी तेल ट्यांकर र जहाजहरूमा नयाँ प्रतिबन्धहरूको घोषणा गरेको जनाएका हुन् । यसअघि प्रधानमन्त्री ट्रुडोले भनेका थिए, ‘स्थायी शान्तिको लडाई एक्लै जित्न सकिँदैन । त्यसैले हामी यहाँ युक्रेनको साथमा छौं । मैले कीभमा राष्ट्रपति जेलेन्स्कीसँग कुरा गरें र भनें कि क्यानडा सधैं युक्रेनको साथमा उभिनेछ ।’
ट्रुडोले युक्रेनसँग शान्ति स्थापना गर्न र सार्वभौमसत्ता कायम राख्न क्यानडाबाट नयाँ सैन्य सहयोग प्रदान गर्ने बारेमा कुरा गरेको बताए ।
