काठमाडौँ । जाडोमा बढ्दो आर्द्रता र प्रदूषणका कारण ब्याक्टेरिया, भाइरस र एलर्जीले हाम्रो स्वास्थ्यमा असर गर्छ । यस अवधिमा रुघाखोकी र कफको समस्या सामान्य हुन्छ, जसका कारण श्वासप्रश्वासको समस्या बढ्न सक्छ।
लगातार खोकी लाग्ने, सास फेर्न गाह्रो हुने, घाँटी दुख्ने वा सुन्निने र ज्वरो आउने यसका मुख्य लक्षण हुन्। कफ जम्मा हुनाले घाँटी जलनको पनि समस्या निम्त्याउन सक्छ।
खोकी र कफ कम गर्न कालो मरिच, दालचीनी, तुलसी र अदुवालाई २ कप पानीमा उमालेर पिउनुपर्छ । जब यो आधा कप रहन्छ, त्यसमा नुन वा मह मिसाएर दिनको २-३ पटक पिउनुहोस्। यसो गर्दा कफ र खोकीबाट आराम मिल्छ।
यदि तपाईँलाई बारम्बार खोकी लाग्दै छ भने ताजा अदुवाको टुक्रा काटेर चुस्नुहोस् । यसको एन्टी-इन्फ्लेमेटरी गुणले घाँटी सुन्निएको कम गर्छ र कफ बाहिर निकाल्न मद्दत गर्छ।
जाडोमा जमेको कफ हटाउन वाफ लिनु पनि फाइदाजनक हुन्छ । पानीमा तुलसीको पात हालेर वाफ लिनुहोस्। यसले नाक र घाँटीको अवरोध हटाउँछ।
दिनभरि सुप, हर्बल चिया, तातो पानी र मसला दूध सेवन गर्नुहोस्। यिनीहरूले घाँटीलाई आराम दिन्छ र शरीरलाई न्यानो राख्छ।
चिसो मौसममा सधैँ न्यानो कपडाले शरीर छोप्नुहोस्। चिसो खानेकुराहरू, जस्तै आइसक्रिम वा चिसो पानीबाट बच्नुहोस्। तातो र पौष्टिक खाना खानुहोस्, जसले तपाईँको रोग प्रतिरोधात्मक क्षमतालाई बलियो बनाउँछ।
