काठमाडौँ । नेकपा माओवादी (केन्द्र) को भातृ संगठन अनेरास्ववियु (क्रान्तिकारी) को राष्ट्रिय सम्मेलनबाट नयाँ नेतृत्व चयनका लागि भोलि देशैभर निर्वाचन हुँदैछ । क्रान्तिकारीको नयाँ अध्यक्षका लागि ६ जनाको उम्मेदवारी परे पनि विश्वमणि थापाले उम्मेदवारी फिर्ता लिए पछि पाँच जनाको उम्मेदवारी मात्र परेको छ ।
निर्वाचन समितिले आज शुक्रवार प्रकाशित गरेको अन्तिम नामावलीमा अध्यक्षका लागि हेमन्त राई, सुदिन पौडेल, विजयप्रकाश शर्मा सापकोटा, योगेन्द्र बुढा र उपदेश यादवको उम्मेदवारी कायमै छ । ३३ पदाधिकारी, ४८ सचिवालय सदस्य, १६२ केन्द्रीय सदस्यसहित २४३ जनाको भोलि शनिवार निर्वाचन हुँदैछ ।
