सिन्धुपाल्चोकको भोटेकोशी नदीमा गाडी खसेको गाडी निकालिएको छ।
शुक्रबार दिउँसो बाह्रबिसे नगरपालिका वडा नम्बर ६ बरण्डा टोलस्थित सडकबाट गाडी भोटेकोशी नदीमा खसेको बोलेरो गाडी शुक्रबार साँझ निकालिएको हो।
साँझ ६: ४५ बजे क्रेनबाट बा २० च २१८५ नम्बरको गाडी नदीबाट निकालिएको प्रहरी वृत्त बाह्रबिसेका प्रहरी निरीक्षक
( इन्स्पेक्टर) सुमेश पाण्डेले जानकारी दिए।
उनकाअनुसार बोलेरोमा दुई जना रहेको प्रहरीको प्रारम्भिक अनुसन्धानमा खुलेको छ।
बोलेरोमा चालक भोटेकोशी गाउँपालिका-५ का ३८ वर्षीय सानु शेर्पा र बाह्रबिसे नगरपालिका-९ बस्ने ३५ वर्षीया सुन्तली तामाङ रहेको इन्सपेक्टर पाण्डेले जानकारी दिए।
गाडी शेर्पाकै रहेको खुलेको पनि उनले बताए।
दिउँसो स्थानीयले नदीमा गाडीको टायर देखिएपछि प्रहरीलाई खबर गरेका थिए। गाडी खसेको आशंकामा प्रहरी घटनास्थलमा पुगेको थियो।
गाडी खोज्नका लागि दुईवटा क्रेनसहित नेपाल प्रहरी, सशस्त्र प्रहरी र नेपाली सेनाको टोली खटिएका थिए।
