१९ जेठ, काठमाडौं । कोरोना भाइरसका संक्रमित थपिने क्रममा पछिल्लो २४ घण्टामा २२६ जनामा कोरोना संक्रमणको पुष्टि भएको छ ।
स्वास्थ्य तथा जनसंख्या मन्त्रालयले आज सोमबार आयोजना गरेको नियमित मिडिया ब्रिफिङमा मन्त्रालयका प्रवक्ता डा. विकास देवकोटाले थप २२६ जनामा संक्रमण पुष्टि भएको जानकारी दिएका छन् ।
जसमा २ सय १३ जना पुरुष र १३ जना महिला रहेका छन् ।
यो सँगै नेपालमा संक्रमितको संख्या १७ सय ९८ पुगेको छ ।