काठमाडौँ । सरकारले नयाँ मुख्यसचिव आज नियुक्त गरेको छ । आज बिहीबार बसेको मन्त्रिपरिषद बैठकले लीलादेवी गड्तौलालाई मुख्य सचिव नियुक्त गरेको हो । निर्णयसँगै गड्तौला नेपालको इतिहासमा पहिलो महिला मुख्यसचिव बनेकी छन् ।
यसअघि प्रचण्ड नेतृत्वको सरकारले कामु मुख्यसचिव बनाएको थियो । प्रधानमन्त्री कार्यालयको सिनियर सचिव भएका कारण कामु मुख्यसचिवको जिम्मेवारी दिइएको थियो । उनी कानुन सेवाबाट सचिव भएकी थिइन् ।
