काठमाडौँ । नेकपा एमालेका अध्यक्ष केपी शर्मा ओलीले नेकपा एमालेले इमान, वाचा र नैतिकताका बन्धनलाई महत्त्व दिने बताएका छन् ।
‘अनेक प्रश्नहरू उठेका थिए ती प्रश्नको जवाफ एमालेका नेता कार्यकर्ताले व्यवहारबाट दिनुभएको छ’, ओलीले प्रश्न गर्दै भने, ‘एमालेमा असन्तुष्टि हुन्छ, राजाको छोरो राजा हुन्छ । कहाँबाट सुवास नेम्वाङ राजा हुनुहुन्थ्यो र राजाको छोरो राजा सुहाङ
हुनु ?’
हुनु ?’
ओलीले सुवास नेम्वाङ संविधानसभाको अध्यक्ष, एउटा सांसद र जनताका लागि लड्ने योद्धा भएको बताए ।
‘योद्धाको छोरा योद्धा नभएर के स्यालको छोरा बाघ हुन्छ त ?’, ओलीले आलोचकहरूलाई जवाफ दिए । उनले एमालेका सबै नेता कार्यकर्ता सबै यस्तै भएको र एकताबद्ध प्रयासलाई प्रशंसा गरे । उनले उपनिर्वाचनमा एमालेको जित राष्ट्र निर्माणमा एउटा सिडी थपिएको बताए ।
पुर्वप्रधानमन्त्री समेत रहेका ओलीले देशको आर्थिक अवस्था उकास्ने, सुशासन, विकाससम्बन्धी नीति नेकपा एमालेसँग मात्र भएको दाबी समेत गरे ।
