काठमाडौँ । प्रमुख कार्यकारी अधिकारी अर्थात् सीईओहरुको तलब सधैँ चर्चाको विषय हुने गर्छ । संसारमा यस्ता सीईओहरु पनि छन् जसले बर्सेनि औसत कर्मचारीको तुलनामा सयौँ गुणा बढी तलब, सुविधा थापिरहेका छन् । आम कर्मचारीहरूलाई हात मुख जोर्न गाह्रो भइरहँदा सीईओहरुले बोकी नसक्नुको तलब पाउनुले यिनीहरूको तलब सुविधाबारे चासो धेरै हुने गरेको छ ।
दोस्रो स्थानमा गुगलको मातृ कम्पनी अल्फाबेट इंकका सीईओ सुन्दर पिचाई छन् । पिचाईले समीक्षा अवधिमा तलब सुविधा बेच्न मिल्ने शेयर आदि गरेर २२ करोड ६० लाख डलर पाएका छन् । कार भाडामा दिने अमेरिकी कम्पनी हर्जका सीईओ स्टे्फन एम शेर्रले १८ करोड २० लाख डलर घर लगेका छन् । शेर्रले कम्पनीको कायापलटमा महत्त्वपूर्ण खेलेका थिए ।
यो वर्ष साढे १२ करोड डलर कमाएर सरेप्टा थेराप्युटिक्सका डगलास एस इङग्राम सबैभन्दा धेरै कमाउने सीईओको सूचिमा सातौं स्थानमा छन् । सूचिको आठौं स्थानमा रहेका सामाजिक सञ्जाल कम्पनी पिन्टरेष्टका बिल रेडीले पनि १२ करोड ३० लाख डलर हात पारेका थिए । सीएस डिस्कोका किवी क्यामराले ११ करोड डलर तलब सुविधा थाप्दा आइफोन निर्माता कम्पनी एप्पलका सीईओ टिम कुकले पनि ९ करोड ९० लाख डलर पाएका छन् ।
