काठमाडौँ । नेकपा एकीकृत समाजवादीले असोज १४ देखि २८ गतेसम्म सञ्चालन गरेको मेची महाकाली जागरण अभियान अन्तर्गत १० हजार बढी अन्य पार्टीका नेता कार्यकर्ता आफ्नो पार्टीमा प्रवेश गरेको दाबी गरेको छ ।
‘समाजवादी जागरण अभियानको समीक्षाका क्रममा हाम्रो पार्टीले छोटो समयमा गरिए पनि निकै प्रभावकारी भएको, समाजवादका एजेन्डा जनताकाबिचमा लैजान सफल भएको, रोजगारी, सुशासन र सम्मृद्धिका लागि १२ सय किलोमिटर अभियान सञ्चालन गरेको’, बैठकको समीक्षा सुनाउँदै प्रचार विभाग प्रमुख जगन्नाथ खतिवडाले भने, ‘समाजवादी व्यवस्थाको प्रचार र समाजवादी चेतनाको विस्तारमा ऐतिहासिक कार्य गरेको ठहर गरेको छ ।’
बैठकले एकीकृत समाजवादीको आगामी माघ १४ गतेबाट सुरु हुने राष्ट्रिय महाधिवेशन काठमाडौँमा गर्ने निर्णय पनि गरेको छ ।
