काठमाडौं । नेपाल भ्रमणमा रहेका मिलेनियम च्यालेन्ज कर्पोरेशन (एमसीसी)का कार्यकारी प्रमुख एलेक्स अलवाइडले प्रधानमन्त्री पुष्पकमल दाहालसँग भेटवार्ता गरेका छन् ।
मंगलबार बिहान प्रधानमन्त्री निवास बालुवाटार पुगेर एमसीसी प्रमुख अलवाइडले प्रचण्डसँग शिष्टाचार भेट गरेका हुन् । भेटमा उनीहरुबीच एमसीसी परियोजनालगायत नेपाल–अमेरिका सहयोगका विविध क्षेत्रमा छलफल भएको प्रधानमन्त्रीको सचिवालयले जनाएको छ ।
एमसीसीका कार्यकारी निर्देशक अलवाइडले एमसीसी परियोजना तोकिएको समयमा सम्पन्न होस् भन्ने चाहना राखेका छन् । यसअघि हिजो प्रमुख प्रतिपक्षी नेकपा एमालेका अध्यक्ष केपी शर्मा ओलीसँग उनले भेट गरेका थिए ।
