१५ असोज, सुर्खेत । नेकपा एमाले कर्णाली प्रदेशको असोज ११ गतेबाट सुरु भएको प्रथम अधिवेशन आज सकिदैछ । हिजो भएको निर्वाचनको मत परिणाम अनुसार अध्यक्ष सहित गुलाबजंग शाहको प्यानन नै बिजयी सुनिश्चित भएको छ ।
६०० मतको परिणाम आउँदा शाहले ३६९ मत पाएका छन् ।
निकटतम प्रतिद्वन्द्वी मीनबहादुर शाहीले २०७ मत मात्रै पाएका छन् ।
अर्का प्रतिद्धन्द्धी प्रकाश रोकायाले ४ मत मात्र पाएका छन् ।
उपाध्यक्ष पदमा टेकराज पछाई ३४२ मतसहित विजयी भएका छन्। पछाई गुलाबजंग शाहका प्यानलका हुन्।
उपाध्यक्षका उम्मेदवार दानसिंह परिवारले ५९ र लालबहादुर महताराले १७६ मत पाए।
त्यस्तै ४०६ मतसहित सचिवमा ध्रुवबहादुर शाही विजयी भएका छन्। सचिवका अर्का उम्मेदवार रूद्रबहादुर शाहीले १६९ मत पाए।
उपसचिवमा रवीन्द्रराज शर्माले ३०० मत ल्याए। त्यस्तै रमेशकुमार शाहीले २६६, पद्मा खड्काले १५१, मेनक पछाईले ९६, तेजकुमार विकले ७७, धीरेन्द्र गिरीले ५२, नारायणबहादुर शाहले ३४ र बखतबहादुर भण्डारीले ३४ मत पाएका छन्।
